Xitay tashqi péréwot siyasitide özgirish bolmidi

Düshenbe küni amérika dollirining yaponiye yini we yawrogha almashturush qimmitide ösüsh körün'gen bolup, birleshme agéntliqida xewer qilinishiche, emma xitay merkiziy bankisining bashliqi xitay tashqi péréwot we pul almashturush siyasitide tuyuqsiz özgirish bolmighanliqini ilgiri sürgen.
Muxbirimiz jüme
2009-06-29
Share

Xewerde neqil qilinishiche, xitay merkizi bankisining bashliqi ju shawchü'en yekshenbe küni shwétsariyide: " bizning tashqi péréwot siyasitimiz ezeldin muqim bolup keldi, héchqachan tuyuqsiz özgirish bolmaydu," dégen.

Halbuki xitay bilen bolghan soda alaqiside, amérika terepte her yili 200 - 300 milyard dollar qizil reqem körülidighan bolup, amérika da'iriliri xitay terepni oz pulining almashturush qimmitini töwen tutush arqiliq xam eshyalarning tennerxide sün'iy töwenlesh peyda qilip amérika karxanilirini adaletsiz riqabetke mejburlidi, dep eyiblep kéliwatqan we xitay pulining almashturush qimmitini bazar nerxige qoyup bérishke dewet qilghan idi.
Emma, xitay da'iriliri bolsa, amérikining mezkur eyibleshlirini orunsiz dep ret qilip kelmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet