Хитай тәйвәнгә ярдәм қилидиғанлиқини билдүргән

Тәйвәндә ма йиңҗу президент вәзиписигә башлиғандин бери, тәйвән билән хитай оттурисидики мунасивәтләр күнсери йеқинлишиватқан болуп, хитай тәрәп шәнбә күни, әгәр тәйвән тәләп қилса, хитай һөкүмитиниң тәйвәнгә иқтсадий ярдәм беришкә тәйяр икәнликини билдүрди.
Мухбиримиз өмәр қатат
2008-12-20
Share

Америка бирләшмә агентлиқиниң бейҗиңдин хәвәр қилишичә, тәйвән милләтчи партийә рәһбәрлири билән хитай компартийиси рәһбәрлири оттурисида шаңхәйдә елип бериливатқан сөһбәттә, җия чиңлин, әгәр дунядики мәвҗут начар иқтсадий вәзийәт давамлашса, вә тәйвән тәрәп иқтсадий қйинчилиқлирини бир тәрәп қилиш үчүн ярдәм сориса, чоң қуруқлуқ тәйвәнгә һәрқандақ ярдәм беришкә тиришиду, дегән.

Җия чеңлин сөзидә, хитайниң тәйвәнгә қандақ ярдәм беридиғанлиқи һәққидә ениқ бир немә демигән, лекин тәйвәндин хитай содигәрлириниң тәйвәндә мәбләғ селишни асанлаштурушини тәләп қилған.

Сиясий мулаһизичиләрниң ейтишичә, бейҗиң рәһбәрлириниң, хитай өзи иқтсадий қийинчилиққа учраватқан бир мәзгилдә тәйвәнгә иқтсадий ярдәм беришкә тәйяр икәнликини җаркарлиши, тәйвәндә хитай билән бирлишишни халайдиғанларниң санини көпәйтишни мәқсәт қилған сиясий бир һәрикәттин ибарәт икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт