Xitay teywen'ge yardem qilidighanliqini bildürgen

Teywende ma yingju prézidént wezipisige bashlighandin béri, teywen bilen xitay otturisidiki munasiwetler künséri yéqinlishiwatqan bolup, xitay terep shenbe küni, eger teywen telep qilsa, xitay hökümitining teywen'ge iqtsadiy yardem bérishke teyyar ikenlikini bildürdi.
Muxbirimiz ömer qatat
2008-12-20
Élxet
Pikir
Share
Print

Amérika birleshme agéntliqining béyjingdin xewer qilishiche, teywen milletchi partiye rehberliri bilen xitay kompartiyisi rehberliri otturisida shangxeyde élip bériliwatqan söhbette, jiya chinglin, eger dunyadiki mewjut nachar iqtsadiy weziyet dawamlashsa, we teywen terep iqtsadiy qyinchiliqlirini bir terep qilish üchün yardem sorisa, chong quruqluq teywen'ge herqandaq yardem bérishke tirishidu, dégen.

Jiya chénglin sözide, xitayning teywen'ge qandaq yardem béridighanliqi heqqide éniq bir néme démigen, lékin teywendin xitay sodigerlirining teywende meblegh sélishni asanlashturushini telep qilghan.

Siyasiy mulahizichilerning éytishiche, béyjing rehberlirining, xitay özi iqtsadiy qiyinchiliqqa uchrawatqan bir mezgilde teywen'ge iqtsadiy yardem bérishke teyyar ikenlikini jarkarlishi, teywende xitay bilen birlishishni xalaydighanlarning sanini köpeytishni meqset qilghan siyasiy bir herikettin ibaret iken.

Toluq bet