Amérika xitayni tibetlerning özini köydürüsh mesilisige diqqet qilishqa chaqirdi

Charshenbe küni amérika tibetlerning özini köydürüwélish weqelirige qarita yene bir qétim pikir bayan qilip “Xitay hökümiti puqralarning öz erz - shikayetlirini erkin ipade qilishigha yol qoyushi kérek” dédi. Amérika dölet ishliri ministirliqi bayanatida yene, xitay hökümitini dalay lama bilen shertsiz söhbetke olturushqa, muxbirlar, diplomatlar we bashqa közetküchilerning tibet rayonigha bérishigha tosqunluq qilmasliqqa chaqirdi.
Muxbirimiz irade
2012.12.06
Share on WhatsApp
Share on WhatsApp


2009 - Yilidin béri tibetler özini köydürüsh yoli arqiliq xitay hökümitining tibetler üstidin yürgüzüwatqan siyasitige naraziliq bildürüp kelmekte. Hazirghiche özige ot qoyup ölgen tibetlerning sani 90 din ashqan. Gerche amérika bashchiliqidiki nurghun démokratik eller we kishilik hoquq organliri xitayni tibet siyasitini özgertishke, ularning pikir erkinliki we öz iradisi boyiche yashash erkinlikige hörmet qilip, özini köydürüsh weqelirining aldini élishqa chaqirghan bolsimu, emma xitay bu mesilide gunahni bashqilargha ittirip kelmekte.

Amérika dölet ishliri ministirliqi bayanatida “Xitay eger tibetlerni, ularning tilini, dinini, dalay lamani we shundaqla özini köydürgüchilerni körmeske sélishni dawamlashtursa, ziddiyet téximu ilgiriligen halda chongqurlishidu” dep agahlandurdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.