Хитайдики "ву юҗишяң" тор бекити өсәк сөз тарқатти дегән баһанидә тақалди

Хитайдики "ву юҗишяң" тор бекити саһибиниң мәтбуатларға билдүрүшичә, улар бүгүн 6 - апрел җүмә күни хитай дөләт кабенти ахбарат ишханиси, бейҗиң шәһәрлик тор - алақисини башқуруш идариси һәм хитай җамаәт хәвпсизлик министирлиқиниң уларға тор бекитини бир ай тақап қоюшни уқтуруш қилғанлиқини билдүргән.
Мухбиримиз меһрибан
2012-04-06
Share

Б б с агентлиқиниң бу һәқтә бәргән хәвиридә дейилишичә, һөкүмәт даирилири уқтурушида, ву юҗишяң тор бекитини " асасий қанунға хилап қилмишта болған, дөләт рәһбәрлиригә һуҗум қилған, 18 - қурултайни қарилайдиған хәвәрләрни тарқатқан" дәп әйиблигән.

"ву юҗишяң" тор бекитиниң башқурғучисиниң б б с агентлиқиға билдүрүшичә, улар тор бекитидә хитай һөкүмәт әмәлдарлирини тәнқидләйдиған язмиларни һәм бу йил 3 - ай мәзгилидә бейҗиңда ечилған 18 - қурултайға болған тәнқидий қарашларни елан қилған. "ву юҗишяң" тор бекитиниң башқурғучиси өз баянида йәнә өзлириниң тор бекитидики язмиларни елан қилишта, хитай асасий қанунида бәлгиләнгән қануний бәлгилимиләргә һәр вақит әмәл қилип кәлгәнликини тәкитлиди.

Башқа хәвәрләрдин мәлум болушичә, җүмә күни йәнә "мавзедуң байриқи тор бекити", "апрел яшлар җәмийити", "хитайдики сайлам вә башқуруш" қатарлиқ тор бекәтлириниму нормал зиярәт қилғили болмиған. Бүгүн хитай азадлиқ армийә гезитиму баш мақалә елан қилип, армийә қошунини җәмийәттә тарқалған өсәк сөзләргә ишинип кәтмәсликкә чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт