Xitaydiki “Wu yujishyang” tor békiti ösek söz tarqatti dégen bahanide taqaldi

B b s agéntliqining bu heqte bergen xewiride déyilishiche, hökümet da'iriliri uqturushida, wu yujishyang tor békitini “ Asasiy qanun'gha xilap qilmishta bolghan, dölet rehberlirige hujum qilghan, 18 - qurultayni qarilaydighan xewerlerni tarqatqan” dep eyibligen.

“Wu yujishyang” tor békitining bashqurghuchisining b b s agéntliqigha bildürüshiche, ular tor békitide xitay hökümet emeldarlirini tenqidleydighan yazmilarni hem bu yil 3 - ay mezgilide béyjingda échilghan 18 - qurultaygha bolghan tenqidiy qarashlarni élan qilghan. “Wu yujishyang” tor békitining bashqurghuchisi öz bayanida yene özlirining tor békitidiki yazmilarni élan qilishta, xitay asasiy qanunida belgilen'gen qanuniy belgilimilerge her waqit emel qilip kelgenlikini tekitlidi.

Bashqa xewerlerdin melum bolushiche, jüme küni yene “Mawzédung bayriqi tor békiti”, “Aprél yashlar jem'iyiti”, “Xitaydiki saylam we bashqurush” qatarliq tor béketlirinimu normal ziyaret qilghili bolmighan. Bügün xitay azadliq armiye gézitimu bash maqale élan qilip, armiye qoshunini jem'iyette tarqalghan ösek sözlerge ishinip ketmeslikke chaqirghan.