Xitaydiki tor betler xakkirliq hujumigha uchridi

Xitaydiki bir qanche yüzligen tor bet xelq'araliq xakkir guruppisining hujumigha uchridi. “Namsiz” isimlik bu xakkirliq guruppisi xitaydiki chong shérketler we sheherlik hökümetlerge qarashliq tor betlerge hujum qilip, xitay hökümitining intérnét erkinlikini cheklesh herikitige naraziliq bildürgen.
Muxbirimiz irade
2012-04-05
Share

Xakkirlan'ghan tor betlerning hemmiside birdek xitay hökümitini özige bek temenna qoyup ketmeslikke chaqirilghan shu'arlar qoyup qoyulghan bolup, uningda “Bügün silerning tor betliringlar xakkirlandi. Ete rezil réjiminglar gumran bolghusi. Öz xelqinglerge qiliwatqan mu'amilengler silerge hergizmu yaxshi aqiwet élip kelmeydu” dégen'ge oxshash sözler yer alghan.

Birleshme agéntliqining bildürüshiche, bu namsizlar isimlik xelq'araliq xakkirliq guruppisining tunji qétim qétimliq herikiti emes. Ular ilgirimu bir qanche qétim xitaydiki tor betlerge hujum qilip, xitay hökümitining siyasetlirige narziliqini ipadiligen. Bu qétim xakkirlan'ghan tor betlerning bir qisimliri téxiche eslige kelmigen. Xitay bayanatchi xung léy muxbirning bu heqtiki so'aligha mujimel jawab bérip : “Bu qétimliq weqe dölitimizning intérnét hujumining ziyankeshlikige uchrighuchi ikenlikini ispatlap béridu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet