Xitay, bir qanche nuqtiliq chet'el tor betlirini qayta taqidi

Ilgiri bir qisim chet'el muxbirlirining, xitay hökümitige bir qisim chet'el tor betlirining xitayda taqiwétilgenliki üstidin qilghan shikayitidin kéyin, xitay da'iriliri xelq'ara jem'iyetning bésimi bilen olimpik mezgilide taqiwétilgen tor betlerge qaratqan qamal qilishni bikar qilghan bolsimu, yéqinda bu tor betler bilen bille yene bir qisim xongkong hem teywen tor betlirinimu qayta taqap qoyghan.
Muxbirimiz gülchéhre
2008.12.16

16 - Dékabirdiki axbarat élan qilish yighinida xitay tashqi ishlar bayanatchisi lyu jenchyaw, xitay hökümitining chet'el tor betlirini taqap qoyushta néme muddi'asi barliqi heqqide chet'el muxbirlirining so'aligha duch keldi.

Lyu jenchyaw jawabida mezkur tor betlirining xitay hökümitining gherizi bilen taqalghanliqidin özini qachurghan bolsimu, teywen musteqilliqini qollaydighan tor betlirini öz ichige alghan bir qisim chet'el tor betlirining xitayning qanunigha xilapliq heriketler bilen shughulliniwatqanliqini eskertken.

Chet'el axbaratlirida, xitayning chet'el tor betlirini taqishigha, xitay hökümitining siyasiy sezgürlükining éshiwatqanliqi, bu siyasiy sezgürlükning éshishigha bolsa 2009 ‏ - yilida xitayda yenimu zor ammiwi heriket hem topilanglar yüz bérishidin endishe séziwatqanliqi seweb bolghan dep mulahize qilinmaqta .

Bu mulahizilerde körsitilishiche, 2009 ‏ - yili xitay iqtisadiy, siyasiy we jem'iyet muqimliqida zor riqabetlerge yüzlenmekte. Chünki, kéler yili 4 - iyon oqughuchilar herikitining 20 yilliqi shundaqla tibetning aptonom rayon qilin'ghanliqining 50 yilliqi, mushu seweblerdin xitay nöwette pütün memliket miqyasida, teshwiqat we axbarat sahesini retke sélish, bolupmu sezgür rayonlarda jem'iyet muqimliqini qoghdash wastilirini kücheytmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.