Меламинниң сүт мәһсулатлири вә тоху тухумлиридиму байқалғанлиқи хәлқарада хитайдин импорт қилинған йемәкликләр үстидә мәвҗут гуманни техиму күчәйтивәткән

Хитайда бовақлар сүт парашокида байқалған зәһәрлик химийилик мадда меламинниң хитайда ясалған сүт мәһсулатлиридиму оттуриға чиқиши шуниңдәк йеқинда тоху тухумлиридиму байқалғанлиқи хәлқарада хитайдин импорт қилинған йемәкликләр үстидә мәвҗут гуманни техиму күчәйтивәткән.
Мухбиримиз өмәр қанат
2008-11-01
Share

Америка бирләшмә агентлиқиниң хәвәр қилишичә, нөвәттә хитайдики белиқ, гөш вә башқа йемәкликләрдиму меламин тәркиви болуши мумкин дегән әндишә көпәймәктә икән.

Шуниң үчүн, мутәхәссисләр, хитай һөкүмитини мәһсулатлириға химийилик маддилар арилаштуруш арқилиқ ишләпчиқиридиған мәһсулатлиридин алидиған пайдини көпәйткән йәм карханилирини қаттиқ контрол қилишқа чақирмақта.

Хитай һөкүмити зәһәрлик сүт сәтчилики оттуриға чиққандин кейин, йемәклик ишләпчиқиридиған карханиларни қаттиқ тәкшүридиғанлиқини җакарлиған. Әмма бәзи мутәхәссисләрниң баян қилишичә, хитайда сансизлиған қанунсиз йемәклик ишләпчиқириватқан кичик карханилар мәвҗут болуп, һөкүмәтниң бу карханиларниң ишләпчиқириши үстидин назарәт қилиши мумкин әмәс икән.

Америка бирләшмә агентлиқиниң билдүрүшичә, хәлқарада хитайдин импорт қилинған йемәкликләр үстидики гуманларни күчәйтиватқан мәсилисиму, хитайда нурғунлиған қанунсиз йемәклик ишләп чиқиридиған карханиларниң мәвҗут болуши икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт