Mélaminning süt mehsulatliri we toxu tuxumliridimu bayqalghanliqi xelq'arada xitaydin import qilin'ghan yémeklikler üstide mewjut gumanni téximu kücheytiwetken

Xitayda bowaqlar süt parashokida bayqalghan zeherlik ximiyilik madda mélaminning xitayda yasalghan süt mehsulatliridimu otturigha chiqishi shuningdek yéqinda toxu tuxumliridimu bayqalghanliqi xelq'arada xitaydin import qilin'ghan yémeklikler üstide mewjut gumanni téximu kücheytiwetken.
Muxbirimiz ömer qanat
2008-11-01
Share

Amérika birleshme agéntliqining xewer qilishiche, nöwette xitaydiki béliq, gösh we bashqa yémekliklerdimu mélamin terkiwi bolushi mumkin dégen endishe köpeymekte iken.

Shuning üchün, mutexessisler, xitay hökümitini mehsulatlirigha ximiyilik maddilar arilashturush arqiliq ishlepchiqiridighan mehsulatliridin alidighan paydini köpeytken yem karxanilirini qattiq kontrol qilishqa chaqirmaqta.

Xitay hökümiti zeherlik süt setchiliki otturigha chiqqandin kéyin, yémeklik ishlepchiqiridighan karxanilarni qattiq tekshüridighanliqini jakarlighan. Emma bezi mutexessislerning bayan qilishiche, xitayda sansizlighan qanunsiz yémeklik ishlepchiqiriwatqan kichik karxanilar mewjut bolup, hökümetning bu karxanilarning ishlepchiqirishi üstidin nazaret qilishi mumkin emes iken.

Amérika birleshme agéntliqining bildürüshiche, xelq'arada xitaydin import qilin'ghan yémeklikler üstidiki gumanlarni kücheytiwatqan mesilisimu, xitayda nurghunlighan qanunsiz yémeklik ishlep chiqiridighan karxanilarning mewjut bolushi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet