Хитай түрмә даирилири алимҗан һемитниң адвокати билән көрүшүшини рәт қилди

Хитай әдлийә даирилири өткән йили 2‏-айда қәшқәрлик христиан мурити алимҗан һемитниң 15 йиллиқ қамақ җазасиға наразилиқ билдүрүп сунған әрзини рәт қилғандин кейин, у һөкүмгә наразилиқ билдүрүп давамлиқ әрз қилған вә бейҗиңдин адвокат тутқан иди.
Мухбиримиз әркин
2012.08.23
Share on WhatsApp
Share on WhatsApp

Униң адвокати йеқинда үрүмчигә келип өткән һәптә алимҗан һемит билән көрүшүшни тәләп қилған болсиму, бирақ түрмә даирилири алимҗанниң мәсилиси “дөләт мәхпийәтлики”гә ятидиғанлиқини илгири сүрүп, униң нөвәттә аптоном районлуқ 3‏-түрмидә йетиватқан алимҗан һемит билән көрүшүшини рәт қилған.

Америкиниң тексас штатидики хитайда христиан мисйонерлиқ паалийити билән шуғуллинидиған “җуңго ярдәм җәмийити” намлиқ тәшкилатниң билдүрүшичә, алимҗанниң адвокати 12‏-авғуст аптоном районлуқ түрмә башқуруш идарисиниң мәсуллири билән көрүшүп, алимҗан билән көрүшүшни тәләп қилған.

Түрмә башқуруш идарисидики даириләр, адвокатниң 3‏-түрмә билән алақилишишни вә алимҗанниң мақуллуқини елиш керәкликини билдүргән. Шуниң билән адвокат 3‏-түрмигә берип, түрминиң ваң фамилилик бир мәсули билән көрүшкән. Гәрчә ваң фамилилик түрмә мәсули адвокатни алимҗан билән көрүштүрүшкә мақул болған болсиму, бирақ көрүшүшкә рәсмийәт өтәйдиған вақитта “бу делониң дөләт мәхпийәтлики”гә киридиғанлиқини билдүрүп, “алимҗанни адвокат билән көрүштүрүшкә болмайду” дегән. “җуңго ярдәм җәмийити” ниң мәсули поп бө шичю хитай әдлийә даирилирини тәнқидләп, униң адвокат билән көрүшүшигә йол қоймаслиқ, даириләр садир қилған қанун-түзүмгә хилап қилмиш, дәп көрсәткән.

Алимҗан һемит 2009‏-йили “чәтәлликләргә җуңгониң мәхпийәтликини ашкарилаш” билән әйиблинип, 15 йиллиқ қамақ җазасиға һөкүм қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.