Xitay da'iriliri Uyghur élidin énérgiye yötkesh qedimi téximu tézletmekchi

Xitay kompartiyisining 16 - qurultiyidin kéyin xitay da'iriliri Uyghur élide néfit, tebi'iy gaz, tok we tashyol liniyisi qurulushini téximu kücheytken. “Tengritagh” torida neqil élip körsitishiche, da'iriler shundaq qilish arqiliq Uyghur élide “Hawada tok yötkesh”, “Yer üstide kömür yötkesh”, we “Yer astida gaz yötkesh” qatarliq qatlamliq énérgiye yötkesh tonili hasil qilishni deslepki qedemde ishqa ashurghan.
Muxbirimiz jüme
2012.07.14
Share on WhatsApp
Share on WhatsApp


Xewerde körsitishiche, xitay hökümiti nöwette Uyghur élini xitayning eng chong énérgiye bazisi we quruqluqtiki chong énérgiye tonili qilip qurup chiqishqa tirishmaqta iken.

Xewerde neqil qilishiche, aptonom rayonluq siyasiy kéngesh re'isi lyu yenlyang: shinjang dölitimizning eng muhim istratégiyilik énérgiye échish we zapas saqlash bazisi, dégen we énérgiye tonili qurulushining xitayning énérgiye bixeterlikige munasiwetlik muhim xizmet ikenlikini bildürgen.

Xitay “Gherbining gazini sherqqe yötkesh siyasiti” din bashqa yéqinqi yillardin bashlap “Gherbning tokini we kömürlirini sherqqe yötkesh” istratégiyisini tüzüp chiqip, énérgiye yötkesh qedimi téximu tézletken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.