Xitayda bashlan'ghuch mektep oqughuchiliri yene pichaq hujumigha uchridi

Biraq bu qétim adem ölmigen bolsimu, 22 oqughuchi we bir kishi yarilan'ghan. Bu yil 36 yashlardiki shu yéziliq ming yingjün pichaq kötürüp, etigen sa'et 8:00 lerde, xénenning gu'angshen nahiyisi chénping yéziliq bashlan'ghuch mektep aldida derske kirip kétiwatqan balilargha hujum qilghan. Weqedin xewerdar kishilerning bildürüshiche, min yingjün aldi bilen bir ayalgha pichaq salghan.

U, bixeterlik xadimliri teripidin boy sundurulushtin burun, 20 nechche balini yarilandurghan. Xitay da'iriliri 2010‏-yili mushu xildiki weqede 20 dek oqughuchi ölgendin kéyin, barliq mekteplerge amanliq xadimlirini orunlashturghan.

Da'iriler, bu xil weqe sadir qilghan kishilerni nérwisidin adashqan'gha chiqarsimu, biraq jem'iyetshunaslar we psixologlar jem'iyettiki ijtima'iy adaletsizlik kishilerni bu xil ümidsizlikke mejbur qiliwatqanliqini agahlandurup kelgen. Min yingjünning weqe térishtiki meqsiti melum emes. Gu'angshen nahiyilik hökümet tor arqiliq bayanat élan qilip, weqeni tekshürüwatqanliqini bildürgen.