Xitay bilen yaponiye iqtisadiy söhbet élip bardi

Yekshenbe küni xitay we yaponiye yuqiri derijilik wekilliri arisida resmiy söhbet bashlan'ghan bolup, bu söhbetke xitay tereptin mu'awin bash ministir wang chishan, tashqi ishlar ministiri yang jéchi, soda ministiri chén démin qatarliqlar, yaponiye tereptin tashqi ishlar ministiri, soda we iqtisad ministiri hem bashqilar qatnashqan.

Ikki terep arisida élip bérilghan söhbetler yaponiye bilen xitayning soda - iqtisadiy hemkarliqlirini kücheytish mesililiridin bashqa yene rayon xaraktérliq siyasiy mesililerdin shimaliy koriyining yadro qorallirini sinaq qiliwatqan ehwal astida piyongyan'gha nisbeten qandaq chare qollinish qatarliqlarnimu öz ichige alghan.

Bulardin bashqa yene ikki dölet soda ministirliri eqliy mülük hoquqi mesililirinimu muzakire qilghan.

Yéqinqi yillardin buyan yaponiye bilen xitay arisidiki munasiwetlerde yiriklishish körülüshke bashlighan bolup, yaponiye rehberlirining 2 - jahan urush qurbanliri qebristanliqini ziyaret qilishi, tarix dersini özgertishi shuningdek xitayning zeherlen'gen juwawa qatarliq yémeklirining yaponiye bazirigha kirishi qatarliq köpligen mesililerde ikki dölet arisida soghuqchiliqlar ashqan idi. Shimaliy koriye yadro mesilisidimu yaponiye terep xitaygha guman bilen mu'amile qilghan idi.