Xitay gherb istilidiki dimukratiye we qanun séstimisigha köchüshni yene ret qildi

Xitay merkizi téléwiziye istansisi jüme künki xewiride xitay xelq siyasi meslihet kéngishining re'isi, kompartiye merkizi komitét siyasi byurosining da'imiy ezasi jya chinglinning " biz pütün medeniyetlerning bezi ilghar tereplirini qobul qilishimiz," dégenliki, lékin uning yene " biz gherb démukratiyisi we qanun séstimisini ülge qilmaymiz," dep tekitligenlikini bildürdi.

Xewerde qanun islahatining konkirit mezmunigha da'ir tepsilatlar tilgha almighan. Xitay edliye da'iriliri buningdin 2 yil burun ölüm jazasini tedbiqlash hoquqini ölke derijilik sot mehkimilirining ilkidin ali sotning ilkige ötküzüwalghanliqini élan qilghan. Lékin chet'eldiki Uyghur teshkilatliri buning Uyghur siyasi mehbuslirigha ölüm jazasi bérishni azaytishta roli bolmighanliqini bildürmekte idi.

Analizchilar xitay edliye séstimisidiki mesilining qurulma mesilisi ikenliki, xitayda kompartiyining edliye organlirigha bolghan manapolliqigha xatime bérilip, edliye musteqilliqi ishqa ashurulmighiche mesile hel bolmaydighanliqini bildürmekte.

Uyghur qanun sépidiki ismini ashkarilashni xalimaydighan mutexessisler Uyghur élide edliye kontrolliqining éghirliqi, Uyghur aptonom rayoni partkomi wang léchüenning bir qétim "sh u a r " yuqiri sot mehkimisini ziyaret qilip, "siyasini tutqa qilghan sotchilar yaxshi sotchilar, siyasini tutqa qilmighan sotchilar nachar sotchilar" dégenliki buning tipik misali ikenlikini bildürmekte.