On neper xitay yazghuchisi dunya kishilik hoquqni közitish teshkilatining mukapatigha érishti

Mukapatqa érishkenler xitay hökümitining ijra'atlirigha qarshi xitay ichi-sirtida qelem kürishi élip bériwatqan shundaqla yene kishilik hoquq pa'aliyetlirige aktip halda qatnishiwatqan kishilerdur. Hélman hammet mukapati 1989-yili tesis qilin'ghan bolup, asasliqi diktator hakimiyetlerge bash egmigen we uninggha qarshi heriket élip barghan yazghuchilargha bérilidu.

Radi'oyimizning bügünki bu heqtiki xitayche xewiride bildürüshiche, mezkur mukapat xitay ichi-sirtidiki öktichi yazghuchilargha zor ilham bolghan.

Shendung uniwérsitétining proféssori sun wén'gu'ang muxbirning ziyaritini qobul qilip mezkur mukapatning xitay hökümitige körsitidighan tesiri üstide toxtalghan.

U sözide mundaq dégen: “Hökümet bu mukapatqa bir bolsa qulaq yopuruwélishi mumkin, yene bir bolsa burunqigha oxshashla, az sandiki junggogha qarshi küchlerning shumluqliri déyishi mumkin.” sün wén'gu'ang “Néme bolushidin qet'iynezer, bu mukapat dunya jama'etchilikining, xitaydiki insan heqliri weziyitini yéqindin közitip kéliwatqanliqining bir ipadisi” dep dunya kishilik hoquqni közitish teshkilatigha minnetdarliqini bildürgen.