Xitaydiki köktatchilar yésiwileklirini yéngi körsitish üchün formalin ishletken

Shinxu'a agéntliqining xewer qilishiche, xitayning alaqidar tarmaqliri yésiwilekke formalin ishletken köktatchilarni shendung ölkisi chingju shehiride bayqighan. Emma xewerde bu xil sodigerlerning qandaq bir terep qilin'ghanliqi, bu xil köktatlarning yene qaysi jaylargha tarqitilghanliqi heqqide héchqandaq melumat bérilmigen.

Xewerde körsitishiche, yésiwilekke formalin ishlitish aditi ötken üch yildin buyan izchil dawam qilip kelgen bolup, bu xahish issiq künlerde téximu ewji alidiken.

Formalin xitay sehiye ministirliqi teripidin “Yémek-ichmek mehsulatlirigha qoshushqa bolmaydighan ximiyilik madda” dep cheklen'gen bolsimu, bu xil ximiyilik madda hetta déngiz mehsulatlirigha ishlitilgen.

Eger déngiz mehsulatliri formalin süyige chilansa yéngi we ésil körünidiken.

Xitayda 2007-yili süt mélamin qoshulghan zeherlik süt parashoki weqesi yüz bérip, 300 ming bowaqning zeherligenliki xewer qilin'ghan idi.