Xitayda ishlepchiqirilghan yenimu köp yémeklerde minamin bayqalmaqta

Birleshme agéntliqining xongkongdin seyshenbe küni xewer qilishiche, xongkong da'iriliri, xongkong bazirida xitayda ishlen'gen péchine hemde yan'gang we kokunat tortliridimu zeherlik xémiyilik madda minamin bayqighan.
Muxbirimiz gülchéhre
2008-09-30
Share

Xongkong yémek bixeterlik merkizi seyshenbe küni minamin bayqalghan bu péchine - pireniklerning ti'enléyu'en yémek shirkitining mehsulatliri ikenlikini élan qildi. Buning aldida xitayda ishlen'gen bir qisim kempüt hemde shakilat qatarliq sütlük yémekliklerdimu oxshashla minamin maddisi bayqalghan idi.

Bügün yene teywen, xongkong hemde makaw bazarlirida lipton sütlük chéyi cheklen'gen bolup, bu mehsulatmu xitaydin import qilin'ghan süttin ishlen'gen iken.

Nöwette xitay da'iriliri deslepte minamin bayqalghan senlu markiliq bowaqlar süt parashokining xitay baziridin %100 yighiwélin'ghan hem péchetlen'genlikini bildürgen bolsimu emma bashqa süt qoshulghan yémekliride toxtimay mesililer bayqalmaqta.

Nöwette pütün dunyada xitayning sütlük yémeklirila emes barliq mehsulatlirigha qarita hezer eylesh dolquni qayta kötürüldi. Minamin qoshulghan zeherlik bowaqlar süt parashoki weqesi pash bolup, hazirgha qeder xitayda zeherlinip késel bolghan balilar sani 54 mingdin ashidu.

Sehiye mutexessislirining chüshendürüshiche minamin plastik ishleydighan bir xil ximiyilik madda bolup az miqdardiki minamin insan hayatigha tehdit élip kélelmisimu emma, uzaq muddet istimal qilinsa börekte tash peyda qilish, börekni ajizlashturush qatarliq késelliklerni keltürüp chiqiridu, bolupmu balilargha xetiri téximu küchlük bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet