Хитайниң деңиз мәһсулатлириғиму меламин арилаштурулған болуши мумкин

Хитай деңиз мәһсулатлирида, хитайда ишләпчиқирилған сүт парашоки қатарлиқ йемәкликләрдә көрүлгән зәһәрлик химийиви мадда меламин маддиси болуши мумкинлики пәрәз қилнмақта.
Мухбиримиз өмәр қатат
2008-12-24
Share

Хитайда ишләпчиқирилған сүт парашокиға арилаштурулған меламин маддиси пүтүн дуняда йүз миңлиған бовақниң кесәл болушини кәлтүрүп чиқирип, нурғунлиған дөләтләрниң хитайдин сүт парашоки импорт қилишни чәклишигә һәмдә хитай сүт ишләпчиқириш санаитиниң еғир кризисқа дүч келишигә сәвәб болған иди.

Әмди нурғунлиған алим вә тәтқиқатчилар хитай деңиз мәһсулатлириғиму зәһәрлик химийиви мадда меламин арилаштурулған болуши мумкинликини оттуриға қоймақта.

Хитай дунядики әң көп деңиз мәһсулатлири ишләпчиқиридиған дөләт болуп, һәр йили нәччә он милярд долларлиқ деңиз мәһсулати експорт қилиду.

Америкида чиқидиған лос анҗилис вақти гезитиниң хәвәр қилишичә, америка 2007‏ - йилиниң өзидила хитайдин 2 милярд долларлиқ деңиз мәһсулати импорт қилған. Йемәк санаити мәтәхәссислири вә содигәрләрниң баян қилишичә, хитайниң белиқ қатарлиқ деңиз мәһсулатлири ишләпчиқириш орунлири белиқ вә башқа деңиз мәһсулатлириға берилидиған йәмләргә давамлиқ меламин маддиси қошиветидикән.

Мулаһизичилар, хитай деңиз мәһсулатлирида меламин маддисиниң барлиқи һәққидики гуманларниң оттуриға чиқиши, зәһәрлик сүт парашоки сәвәбидин кризисқа дуч кәлгән хитай йемәклик санаитини техиму қейин әһвалға чүшүрүп қоюши мумкин дейишмәктә.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт