Хитайниң чуңчиң шәһридә такси шопурлири иш ташлиди

3 - Ноябир, дүшәнбә күни, хитайниң чуңчиң шәһридә такси шопурлири, еғир җәриманә вә май баһасиниң өрләп кетиши қатарлиқларға наразилиқ билдүрүп иш ташлиған.
Мухбиримиз җүмә
2008.11.03

Хитай ахбаратлириға қариғанда, намайиш ахирида уруп чеқиш түсигә киргән болуп, намайишчилар шу күни өз сепигә қошулмай ишқа чиққан таксичиларниң таксилирини чаққан һәмдә херидарлирини тартип чүшүрүвәткән.

Шинхуа агентлиқиниң хәвәр қилишичә, намайишчилар чуңчиң шәһиридики мәркизи кочиға йиғилип 20 гә йеқин машинини уруп - чаққан болуп, буларниң ичидә 3 данә сақчи машиниси бар икән.

Мәлум болушичә, чуңчиң шәһиридики мунасивәтлик башлиқлар иш ташлиған такси шопурлири билән сөзләшкән һәмдә уларниң тәләплирини һәл қилип беридиғанлиқи тоғрисида вәдиләрни беришкән икән.

Нөвәттә, чуңчиңда 9 миңчә такси шопури бар болуп дүшәнбә күнидики намайишқа буларниң қанчә пирсәнти қатнашқанлиқи намәлум.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.