Xitay oyunchuq shirketliridin 7000 neperdek ishchi ishtin boshitildi

Dunya iqtisadidiki töwenleshke egiship amérika oyunchuq shirketliri qarmiqidiki xitay shirketliri qiyin ehwalgha chüshüp qalghan bolup, buninggha egiship bu zawutlar ishchi boshitishqa bashlighan.
Muxbirimiz jüme
2008-10-17
Share

Fransiye agéntliqining xewer qilishiche, amérikining mattél we disnéy qatarliq oyunchuq shirketlirining igidarchiliqidiki xitay shirkiti smart birlikining gu'angdung ölkisi dunggu'ang shehirige jaylashqan zawutliri taqilip qalghan bolup, netijide 7000 neperdek mezkur zawutta ishlewatqan ishchi ishtin boshitilghan.

Roytérésta xewer qilinishiche, 17 - öktebir jüme küni etigende weyran bolghan mezkur oyunchuq zawutining 1000gha yéqin ishchiliri zawut aldigha toplinip yighilip qalghan ish heqqini telep qilip namayish qilghan. Melum bolushiche, mezkur namayishchilar kéyin 100 ge yéqin saqchining qorshawida namayishni sheherlik hökümet binasi aldigha yötkigen.

Hazirche namayishchilar saqchilar arisida birer toqunush yüz bergenliki heqqide melumat yoq.

Xitay axbaratlirining melumatigha qarighanda, hazir xitayda oyunchuq ishlepchiqiridighan shirketlerning 50 pirsentidin köpreki weyran bolghan bolup, buningdiki asasi sewebler bolsa, ishlepchiqirish tennerqining yuqiri bolushi we bixeterlik tedbirlirining kücheytilgenlikide iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet