Xitay yene bir qétim muxbirlarni eng köp tutqun qilghan dölet bolup bahalandi

Merkizi nyu - yorktiki muxbirlarni qoghdash komitéti doklat élan qilip, bu yil xitayni yene bir qétim yer sharidiki muxbirlarni eng köp tutqun qilghan dölet, dep bahalidi. Buning bilen xitay yéqinqi 11 yildin béri her yili uda muxbirlarni eng köp tutqun qilghan döletlik ornini saqlap qalghan.
Muxbirimiz erkin
2009-12-11
Share

Xitaydin qalsa, iran, kuba, éritriye we bérma muxbirlarni eng köp tutqun qilghan döletler hésablinidiken. Doklatta eskertishiche, xitayda qolgha élin'ghan yaki tutqun qilin'ghan muxbirlarning köp qismi intérnétta maqale yazidighan erkin yazghuchilar iken. Melum bolushiche, ötken yili xitayda tutqun'gha uchrighan muxbirlarning sani bir qeder azlighan bolsimu, lékin bu yenila xitayning dunyadiki muxbirlarni eng köp türmige solaydighan döletlik ornini özgertelmigen.

 Doklatta, xitay da'irilirining nöwette 24 muxbirni türmide tutup turuwatqanliqi, bularning 22 nepirining erkin yazghuchi ikenliki, türmidikilerning ichide qeshqerlik Uyghur zhurnalistlardin abdughéni memtimin we tibetlik höjjetlik filim rézhissori dundop wangchénning barliqi tekitlen'gen.

Abdughéni memtimin, qeshqerdiki bir mektepning oqutquchisi, terjiman we erkin zhurnalist bolup, u 2003 - yili qeshqer wilayetlik ottura soda mehkimisi teripidin "dölet mexpiyetliki"ni ashkarilash jinayiti bilen eyiblinip 9 yilliq qamaq jazasigha höküm qilin'ghan idi.

Tibetlik höjjetlik filim rézhissori dundup wangchén bolsa 2008 ‏- yili tibetlerning turmushini téma qilghan "qorqunchni yéngish" namliq 25 minutluq höjjetlik filim ishlep, chet'eldiki tibetlerge yollap bergenliki sewebidin qolgha élin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet