خىتايدا بىر سودىگەر ئادەم ياللاپ ئادەم ئۆلتۈرۈش جىنايىتىگە چېتىلىپ ئۆلۈمگە بۇيرۇلغان

شىنخۇا ئاخباراتىدا كۆرسىتىشىچە، بۇ يىل مايدا خىتاي مىلياردېر ۋاڭ ۋېنشياڭ، شەخسىي كاتىپى ۋە يەنە بىر ئاققۇن ئىشچىغا پۇل بېرىپ ئۆزىنىڭ سودا شېرىكى جۇڭ يىشىنى ئۆلتۈرۈشكە ياللىغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2009.12.19
Share on WhatsApp
Share on WhatsApp

خاربىن شەھەرلىك ئوتتۇرا سوت ۋاڭ ۋېنشياڭغا ئۆلۈم جازاسى، ئاققۇن ئىشچى يۇ يىغا ئىككى يىل كېچىكتۈرۈپ ئىجرا قىلىنىدىغان ئۆلۈم جازاسى بەرگەن.

ئۇنىڭدىن باشقا يەنە، جېجىياڭ ئۆلكىسىدە يەنە بېنسې ھەسسىدارلىق شىركىتىنىڭ دىرېكتورى ۋۇ يىڭغا قويمىچىلىق جىنايىتى بىلەن ئۆلۈم جازاسى بېرىلگەن.

خىتايدا ئۆلۈم جازاسى ئەڭ كوپ ئىجرا قىلىنىدۇ. خەلقئارا كەچۈرۈم تەشكىلاتى ئېلان قىلغان سانلىق مەلۇماتلارغا قارىغاندا، ئۆتكەن يىلى خىتايدا ئۆلۈمگە بۇيرۇلغانلار سانى 1700 بولۇپ، بۇ پۈتۈن دۇنيا مىقياسىدا ئۆلۈمگە بۇيرۇلغانلار سانىنىڭ يېرىمىدىن كۆپرەكىنى ئىگىلىگەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت