خىتاي دائىرىلىرى مېلامىن سېتىۋالىدىغانلارنى تىزىملاشنى قارار قىلدى

خىتاي دائىرىلىرى توختىماي يۈز بېرىۋاتقان زەھەرلىك سۈت پاراشوكى ياساش ۋەقەسىگە خاتىمە بېرىش ئۈچۈن خىمىيىۋى ماددا مېلامىن سېتىۋالغۇچىلارنى تىزىملاشنى قارار قىلغان. فرانسىيە ئاگېنتلىقىنىڭ خەۋەر قىلىشىچە، خىتاي دائىرىلىرى بۇ قارارنى "خىتاي گېزىتى" دە ئېلان قىلغان.
مۇخبىرىمىز ﺋﯩﺮﺍﺩﻩ
2010-09-27
Share

قارارغا ئاساسەن، ئادەتتە پلاستىك ماتېرىيال ياساشقا ئىشلىتىدىغان خىمىيىلىك ماددا مېلامىننى سېتىۋالغۇچىلار چوقۇم ئۆزنى تىزىملىتىدىكەن. خىتاي دائىرىلىرى يەنە، سۈت مەھسۇلاتلىرى زاۋۇتلىرىغا قارىتا "ئىشلەتكەن ھەرقانداق خام ئەشيانى چوقۇم ئېنىق كۆرسىتىش" بۇيرۇقى چۈشۈرگەن.

مەلۇم بولۇشىچە، مېلامىن سۈت پاراشوكى تەركىبىدىكى ئاقسىلنىڭ مىقدارىنى يۇقىرى كۆرسەتكەنلىكتىن، بىر قىسىم مەھسۇلاتلىرى زاۋۇتلىرى ئاقسىلنىڭ مىقدارىنى يۇقىرى كۆرسىتىپ، سۈپەت تەكشۈرۈشتىن ئۆتۈش ئۈچۈن ئۆز مەھسۇلاتلىرىغا مېلامىن قوشۇپ بازارغا سالغان.

نەتىجىدە بۇ، 2008 - يىلى 6 بالىنىڭ مېلامىندىن زەھەرلىنىپ ئۆلۈش ۋە 300 مىڭ ئادەمنىڭ ئوخشىمىغان دەرىجىدە زەھەرلىنىش ھادىسىنى كەلتۈرۈپ چىقارغان ئىدى.

خىتاي دائىرىلىرى بۇ يىل 6 - ئايدىمۇ 25 مىڭ توننا زەھەرلىك سۈت پاراشوكىنىڭ يىغىۋېلىنغانلىقىنى خەۋەر قىلغان ئىدى. خەۋەردە ئېيتىلىشىچە، بۇندىن كېيىن ھەرقانداق سۈت پاراشوكى بازارغا سېلىنىشتىن بۇرۇن مېلامىن تەكشۈرۈشىدىن ئۆتكۈزۈش تەلەپ قىلىنىدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت