Хитай даирилири меламин сетивалидиғанларни тизимлашни қарар қилди

Хитай даирилири тохтимай йүз бериватқан зәһәрлик сүт парашоки ясаш вәқәсигә хатимә бериш үчүн химийиви мадда меламин сетивалғучиларни тизимлашни қарар қилған. Франсийә агентлиқиниң хәвәр қилишичә, хитай даирилири бу қарарни "хитай гезити" дә елан қилған.
Мухбиримиз ирадә
2010.09.27

Қарарға асасән, адәттә пластик материял ясашқа ишлитидиған химийилик мадда меламинни сетивалғучилар чоқум өзни тизимлитидикән. Хитай даирилири йәнә, сүт мәһсулатлири завутлириға қарита "ишләткән һәрқандақ хам әшяни чоқум ениқ көрситиш" буйруқи чүшүргән.

Мәлум болушичә, меламин сүт парашоки тәркибидики ақсилниң миқдарини юқири көрсәткәнликтин, бир қисим мәһсулатлири завутлири ақсилниң миқдарини юқири көрситип, сүпәт тәкшүрүштин өтүш үчүн өз мәһсулатлириға меламин қошуп базарға салған.

Нәтиҗидә бу, 2008 - йили 6 балиниң меламиндин зәһәрлинип өлүш вә 300 миң адәмниң охшимиған дәриҗидә зәһәрлиниш һадисини кәлтүрүп чиқарған иди.

Хитай даирилири бу йил 6 - айдиму 25 миң тонна зәһәрлик сүт парашокиниң йиғивелинғанлиқини хәвәр қилған иди. Хәвәрдә ейтилишичә, бундин кейин һәрқандақ сүт парашоки базарға селиништин бурун меламин тәкшүрүшидин өткүзүш тәләп қилинидикән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.