Xitay da'iriliri mélamin sétiwalidighanlarni tizimlashni qarar qildi

Xitay da'iriliri toxtimay yüz bériwatqan zeherlik süt parashoki yasash weqesige xatime bérish üchün ximiyiwi madda mélamin sétiwalghuchilarni tizimlashni qarar qilghan. Fransiye agéntliqining xewer qilishiche, xitay da'iriliri bu qararni "xitay géziti" de élan qilghan.
Muxbirimiz irade
2010.09.27
Share on WhatsApp
Share on WhatsApp

Qarargha asasen, adette plastik matériyal yasashqa ishlitidighan ximiyilik madda mélaminni sétiwalghuchilar choqum özni tizimlitidiken. Xitay da'iriliri yene, süt mehsulatliri zawutlirigha qarita "ishletken herqandaq xam eshyani choqum éniq körsitish" buyruqi chüshürgen.

Melum bolushiche, mélamin süt parashoki terkibidiki aqsilning miqdarini yuqiri körsetkenliktin, bir qisim mehsulatliri zawutliri aqsilning miqdarini yuqiri körsitip, süpet tekshürüshtin ötüsh üchün öz mehsulatlirigha mélamin qoshup bazargha salghan.

Netijide bu, 2008 - yili 6 balining mélamindin zeherlinip ölüsh we 300 ming ademning oxshimighan derijide zeherlinish hadisini keltürüp chiqarghan idi.

Xitay da'iriliri bu yil 6 - aydimu 25 ming tonna zeherlik süt parashokining yighiwélin'ghanliqini xewer qilghan idi. Xewerde éytilishiche, bundin kéyin herqandaq süt parashoki bazargha sélinishtin burun mélamin tekshürüshidin ötküzüsh telep qilinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.