"Җәнубий җоңгу сәһәрлик почтиси" гезитидә хитайда тән - җазасиниң үзлүксиз давамлишиватқанлиқи баян қилинған

1‏ - Ноябир күни "җәнубий җоңгу сәһәрлик почтиси" гезитидә елан қилинған бир мақалидә, хәлқара җамаәт дуня кишилик һоқуқ баяннамиси елан қилинғанлиқиниң 60 йиллиқини тәбрикләватқан бир мәзгилдә хитайда тән - җазасиниң үзлүксиз давамлишиватқанлиқи баян қилинған.
Мухбиримиз өмәр қанат
2008-11-01
Share

Җәруме коһән тәрипидин елан қилинған мақалидә мундақ дейилгән, америка һөкүмитиниң йеқинқи йиллардики сиясити вә гуантанамо вә абу ғәриб түрмилиридә йүз бәргән вәқәләр хәлқара җамаәтниң қаттиқ наразилиқини қозғап, мәзкур түрмиләрни кишилик һоқуқ дәпсәндичиликиниң символиға айландурди. Лекин хитайдики тән - җазаси мәсилилири буниңдинму еғир болуп, үзлүксиз вә системилиқ бир шәкилдә елип берилмақта."

Мақалисидә, хитай һөкүмитиниң буниңдин 20 йил бурун бирләшкән дөләтләр тәшкилат тән - җазасиға қарши туруш келишимнамисиға қол қойғанлиқини әскәрткән җәруме коһән, лекин хитайда тә - җазасиниң үзлүксиз давамлишиватқанлиқини вә хитайда йүз бериватқан тән - җазаси мәсилилириниң пәқәт хитай қол қойған хәлқара қанунларғила әмәс, хитайниң өзиниң қанунлриғиму хилап икәнликини тәкитлигән.

Мақалидә, келәр һәптә шивитсарийиниң җәнвә шәһиридә ечилидиған б т д тән - җазасиға қарши туруш комитетиниң йиғинида хитайдики тән җазаси мәсилиси музакирә қилинидиғанлиқи әмма бу йиғинда хитай вәкиллириниң хитайдики тән - җазаси мәсилилирини рәт қилишқа тиришидиғанлиқи әскәртилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт