"Jenubiy jonggu seherlik pochtisi" gézitide xitayda ten - jazasining üzlüksiz dawamlishiwatqanliqi bayan qilin'ghan

1‏ - Noyabir küni "jenubiy jonggu seherlik pochtisi" gézitide élan qilin'ghan bir maqalide, xelq'ara jama'et dunya kishilik hoquq bayannamisi élan qilin'ghanliqining 60 yilliqini tebriklewatqan bir mezgilde xitayda ten - jazasining üzlüksiz dawamlishiwatqanliqi bayan qilin'ghan.
Muxbirimiz ömer qanat
2008-11-01
Share

Jerumé kohen teripidin élan qilin'ghan maqalide mundaq déyilgen, amérika hökümitining yéqinqi yillardiki siyasiti we gu'antanamo we abu gherib türmiliride yüz bergen weqeler xelq'ara jama'etning qattiq naraziliqini qozghap, mezkur türmilerni kishilik hoquq depsendichilikining simwoligha aylandurdi. Lékin xitaydiki ten - jazasi mesililiri buningdinmu éghir bolup, üzlüksiz we sistémiliq bir shekilde élip bérilmaqta."

Maqaliside, xitay hökümitining buningdin 20 yil burun birleshken döletler teshkilat ten - jazasigha qarshi turush kélishimnamisigha qol qoyghanliqini eskertken jerumé kohen, lékin xitayda te - jazasining üzlüksiz dawamlishiwatqanliqini we xitayda yüz bériwatqan ten - jazasi mesililirining peqet xitay qol qoyghan xelq'ara qanunlarghila emes, xitayning özining qanunlrighimu xilap ikenlikini tekitligen.

Maqalide, kéler hepte shiwitsariyining jenwe shehiride échilidighan b t d ten - jazasigha qarshi turush komitétining yighinida xitaydiki ten jazasi mesilisi muzakire qilinidighanliqi emma bu yighinda xitay wekillirining xitaydiki ten - jazasi mesililirini ret qilishqa tirishidighanliqi eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet