Бавдиңнән шәһириниң нәндайүән йезисида деһқанлар билән һөкүмәт хадимлири тоқунушти

Радиомиз игилигән мәлуматларға қариғанда, деһқанларниң йәрлирини игиливелиш вәқәси 20 - декабир шәнбә күни йүз бәргән болуп, шу күни бавдиңнән шәһәрлик һөкүмәт үч миңдин артуқ адәм чиқирип нәндайүән йезисиға бастуруп киргән.

Мәзкур йезиниң нәнге вә бейге кәнтлиридики 500 дин артуқ деһқан етизлириниң әтрапиға йиғилип, бастуруп кирип мәҗбурий йәр игилигүчиләргә қаршилиқ көрсәткән.

Икки тәрәп арисида келип чиққан тоқунушта аз дегәндиму 5 адәм яриланған болуп, әмма өлүм - йетим һадисиси көрүлмигән.

Тоқунуш йүз бәргән йезидики деһқанлар вәкилиниң радиомизға бәргән мәлуматиға қариғанда, бавдиңнән шәһәрлик һөкүмәт, мәзкур йезидики деһқанларниң 300 модин артуқ терилғу йерини һәр мосини 139 миң йүәндин мәҗбурий өткүзүвелип һәр мосини бир милйон бир йүзмиң йүәндин "ким ашти" қилип йәргә еһтияҗлиқ ширкәтләргә сатмақчи икән.

Мәлум болушичә, мәзкур йезидики деһқанлар бу йил 5 - айдин башлап йәрлик һөкүмәтниң бу хилдики сиясәтлири үстидин бейҗиң даирилиригичә әрз сунушни давамлаштуруп келиватқан икән.