Bawdingnen shehirining nendayüen yézisida déhqanlar bilen hökümet xadimliri toqunushti

Xébéy ölkisi bawdingnen sheherlik hökümiti adem chiqirip öz tewelikidiki nendayüen yézisigha basturup kirip déhqanlarning térilghu yerlirini mejburiy igiligen bolup, netijide déhqanlar bilen basturup kirgüchiler arisida toqunush yüz bergen.
Muxbirimiz jüme
2008-12-22
Élxet
Pikir
Share
Print

Radi'omiz igiligen melumatlargha qarighanda, déhqanlarning yerlirini igiliwélish weqesi 20 - dékabir shenbe küni yüz bergen bolup, shu küni bawdingnen sheherlik hökümet üch mingdin artuq adem chiqirip nendayüen yézisigha basturup kirgen.

Mezkur yézining nen'gé we béygé kentliridiki 500 din artuq déhqan étizlirining etrapigha yighilip, basturup kirip mejburiy yer igiligüchilerge qarshiliq körsetken.

Ikki terep arisida kélip chiqqan toqunushta az dégendimu 5 adem yarilan'ghan bolup, emma ölüm - yétim hadisisi körülmigen.

Toqunush yüz bergen yézidiki déhqanlar wekilining radi'omizgha bergen melumatigha qarighanda, bawdingnen sheherlik hökümet, mezkur yézidiki déhqanlarning 300 modin artuq térilghu yérini her mosini 139 ming yüendin mejburiy ötküzüwélip her mosini bir milyon bir yüzming yüendin "kim ashti" qilip yerge éhtiyajliq shirketlerge satmaqchi iken.

Melum bolushiche, mezkur yézidiki déhqanlar bu yil 5 - aydin bashlap yerlik hökümetning bu xildiki siyasetliri üstidin béyjing da'irilirigiche erz sunushni dawamlashturup kéliwatqan iken.


Toluq bet