Хитайдики ишсизлар сани һөкүмәт елан қилғандин хелила көп

Хитай дөләт кабинитиниң мәслиһәтчиси чән кваншең хитайдики ишсизлар саниниң һөкүмәт тәрипидин елан қилинған сандин хели көп икәнликини билдүрди.
Мухбиримиз өмәр қатат
2008-12-20
Share

Дуня пул муамилә кризиси нәтиҗисидә хитайда 670 миң кичик типтики кархана тақалғандин кейин, хитай һөкүмити тәрипидин елан қилинған истатистикида хитайдики ишсизлар сани 8 милйон 300 миң киши дәп көрситилгән иди. Лекин хитай дөләт кабинитиниң мәслиһәтчиси чән кваншеңниң хитай күндилик гезитидә елан қилинған баянатиға қариғанда, хитай ишсизларниң һәқиқи сани хитай һөкүмити тәрипидин елан қилинған рәқәмдин хилила көп икән. Чүнки һөкүмәт тәрипидин елан қилинған рәқәм пәқәтла шәһәрләрдә әнгә елинған ишсизларни өз ичигә алидикән.

Ишсизлиқ мәсилисини болупму, унверситет пүттүргән кишиләр вә аққун ишчилар арисидики ишсизлиқ мәсилисини хитайдики әң җиддий мәсилә дәп көрсәткән чән кваншиң шәһәрләрдә ишсизлиқ нисбитиниң 4.9 Пирсәнткә чиққанлиқини вә келәр йили хитайда алий мәктәп пүттүридиған 6 милйон йүз миң оқуғучиниң төттә бириниң иш тепишиниң қйин икәнликини билдүрди.

Хитай даирилириниң билдүрүшичә, дуня пул муамилә кризисниң оттуриға чеқишидин кейин, көпинчиси гуаңдоң өлкисидә 6 милйон 700 миң хитай ишчиси ишсиз қалған.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт