Xitaydiki ishsizlar sani hökümet élan qilghandin xélila köp

Dunya pul mu'amile krizisi netijiside xitayda 670 ming kichik tiptiki karxana taqalghandin kéyin, xitay hökümiti teripidin élan qilin'ghan istatistikida xitaydiki ishsizlar sani 8 milyon 300 ming kishi dep körsitilgen idi. Lékin xitay dölet kabinitining meslihetchisi chen kwanshéngning xitay kündilik gézitide élan qilin'ghan bayanatigha qarighanda, xitay ishsizlarning heqiqi sani xitay hökümiti teripidin élan qilin'ghan reqemdin xilila köp iken. Chünki hökümet teripidin élan qilin'ghan reqem peqetla sheherlerde en'ge élin'ghan ishsizlarni öz ichige alidiken.

Ishsizliq mesilisini bolupmu, unwérsitét püttürgen kishiler we aqqun ishchilar arisidiki ishsizliq mesilisini xitaydiki eng jiddiy mesile dep körsetken chen kwanshing sheherlerde ishsizliq nisbitining 4.9 Pirsentke chiqqanliqini we kéler yili xitayda aliy mektep püttüridighan 6 milyon yüz ming oqughuchining tötte birining ish tépishining qyin ikenlikini bildürdi.

Xitay da'irilirining bildürüshiche, dunya pul mu'amile krizisning otturigha chéqishidin kéyin, köpinchisi gu'angdong ölkiside 6 milyon 700 ming xitay ishchisi ishsiz qalghan.