D u q xitayni ghulja weqesini basturushqa qatnashqanlarning jawabkarliqini sürüshtürüshke chaqirdi
2013.02.06
6-Féwral élan qilin'ghan bayanatqa qarighanda, xitay bixeterlik qisimliri1997-yili 5-féwral Uyghur namayishchilarni qanliq basturghan, basturushta eng az dégende 100 adem ölgen, köpligen adem yarilan'ghan.
Da'iriler namayishtin kéyin 4 minggha yéqin ademni qolgha alghan we 200 din artuq Uyghurgha ölüm jazasi bergen.
Bayanatta körsitishiche, weqeni bésiqturush üchün 40 ming esker chiqarghan xitay hökümiti herbiy küch ishlitip weqe heqqidiki uchurlarni qamal qilghan we hazirghiche ashkarilimighan.
Dunya Uyghur qurultiyi re'isi rabiye qadir xanim bu heqte toxtilip: ghulja qirghinchiliqining sanaqsiz Uyghurning hayati we a'ilisigiche weyran qilish xaraktérlik tesir körsetkenlikini öz közüm bilen körgenmen, dédi.
Xitaydiki kishilik hoquq depsendichiliki we adaletsizliklerning izchil rewishte dawamlishiwatqanliqini körsetken rabiye qadir xanim yene mundaq dédi: ularning bu xildiki depsendichiliklerni peseytishige ümidim zor emes. Ghulja qirghinchiliqidiki so'allargha téxi héchqandaq jawab bérilmidi.
Dunya Uyghur qurultiyining bayanatigha qarighanda, ghulja weqesi yüz bérip aridin 16 yil ötken bolsimu, xitay hökümiti namayishchi Uyghurlarni étishqa buyruq bergen hökümet emeldarlirining jawabkarliqini sürüshtürmigen.
Köp körülgen xewerler
RFA
- Erkin asiya radiyosining meshghulati fédératsiye meblighining késilishi bilen toxtishi mumkin
- Aqsuda rozidarlarning rozisini buzush yaki roza tutushqa imkan qoymasliq üchün ahaliler mejburiy emgekke sélin'ghan
- Turghunjan alawudun b d t da Uyghur irqiy qirghinchiliqi we xitayning diniy basturushlirini ereb tilida otturigha qoydi
- En'gliyelik yutubér körgen taqaqliq meschitler we roza tutush cheklen'gen Uyghurlar weziyiti diqqet qozghidi
- Mutexessisler: “Uyghur élidiki yuqumluq késelliklerning aldini élish bazisi lopnurdiki yadro sinaq bazisigha oxshap kétidu”