Bu yil mayda xitaygha sélin'ghan biwasite chet'el meblighi yene töwenligen

Xitay soda ministirliqining bayanatigha qarighanda, bu yil mayda xitaygha sélinidighan biwasite chet'el meblighi yene töwenligen bolup, shuning bilen bu xil töwenlesh 8 - éyigha qedem qoyghan.
Muxbirimiz jüme xewiri
2009-06-15
Share

Bu sözlerni xitay soda ministirliqi bayanatchisi yaw jyen düshenbe küni otturigha qoyghan bolup, uning bildürüshiche, bu yil mayda xitaygha sélin'ghan chet'el meblighi jem'iy 6.4 Milyard amérika dolliri bolup, aldinqi yilning oxshash mezgildikidin 17.8% Töwenligen.

Yawning bildürüshiche yene, xitaygha sélinidighan biwasite chet'el meblighi, toxtamliq chet'el meblighi töwenlep qalmay, yéngidin xitaygha meblegh salidighan chet'el shirketlirining sanimu körünerlik töwenligen bolup, bu xil töwenlesh 1999 - yildiki iqtisadi krizisidin kéyin tunji qétim meydan'gha kelgen.

Melum bolushiche, xitaygha meblegh salghuchi chet'el shirketliri sanimu bu yil aprélda ötken yildikige qarighanda 22.5%  Töwenligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet