خەۋەردىن مەلۇم بولۇشىچە، خىتاي جامائەت خەۋپسىزلىك مىنىستىرلىقى ئۆز ئالدىغا "ئىككىنچى تۈركۈم شەرقى تۈركىستان تېررورچىلىرى تىزىملىكى" نى تۇرغۇزۇپ چىققان بولۇپ، يىغىندا مەزكۇر تىزىملىك ۋە شۇنىڭغا ئالاقىدار بەزى مەسىلىلەر ئوتتۇرىغا قويۇلىدىكەن.
ئاخبارات ئېلان قىلىش يىغىنىدا جامائەت خەۋپسىزلىك مىنىستىرلىقى مۇئاۋىن ئىشخانا مۇدىرى ۋە باياناتچىسى ۋۇ خېپىڭ مۇخبىرلارنىڭ سوئاللىرىغا جاۋاب بېرىدىكەن.
خىتاي ھۆكۈمەت 2003 - يىلىمۇ شۇ خىلىدىكى بىر تىزىملىك ئېلان قىلغان بولۇپ بۇ تىزىملىككە ئۇيغۇر تەشكىلاتلىرىدىن، دۇنيا ياشلار قۇرۇلتىيى ۋە شەرقى تۈركىستان ئىنفورماتسىيە مەركىزى قاتارلىق ئورگانلارنى كىرگۈزگەن، شۇنىڭغا ئالاقىدار 11 نەپەر ئۇيغۇرنى "تېررورچى" دەپ ئېلان قىلغان ئىدى.