Xitay, 'shinjangda 13 yilda 591 bölgünchilik, térrorluq guruhini tarmar qilduq' dep xewer tarqatti
Muxbirimiz gülchéhre
2009.06.02
2009.06.02
Xewerde yene Uyghur élidiki muqimsizliqning uruqigha oghut boluwatqan tüpki amil qanunsiz diniy pa'aliyet dep körsetken hemde buninggha asasen xitay hökümitining 1996 - yilidin bashlap Uyghur élide muqimliqini ishqa ashurush isitratégiyisini belgilep, zerbe bérish nishanini milliy bölgünchilik hemde qanunsiz diniy pa'aliyetke qaratqanliqinimu sherhiligen.
Xitay da'iriliri bolupmu "Uyghur élining jenubidiki üch wilayet, bir oblastni merkez qilghan halda muqimliq tedbirlirini kücheytip her kentkiche saqchixanilarni qurup bölgünchilikning, muqimsizliq amillirining asasiy qatlamdin bashlap bash kötürüshige qattiq zerbe bérip kelmekte" déyilgen.
Qeshqer wilayiti partkom sékritari jang ji'en" az sanliq millet ammisi, üch xil küchlerge qarshi urushidiki mustehkem polat qorghan"dep teswirligen.
Melum bolghandek qeshqer we kucha qatarliq jaylarda 2008 - yili awghustta bir qisim Uyghurlarning hökümet hem xitay saqchilirigha hujum qilish weqeliri yüz bergen idi, gerche xitay shu weqelerning hemmisini térrorluq weqesi dep, weqede tutulghan Uyghurlargha qattiq jaza qollan'ghan bolsimu, halbuki xelq'ara jem'iyet bu weqelerni xitayning rayonda yürgüzgen bésim siyasitidin peyda bolghan öktichi heriket dep bahalighan idi.
Shundaqla xitay hökümitining muqimliqni qoghdash, üch xil küchlerge zerbe bérish bahaniside Uyghurlargha qaratqan basturush siyasiti xelq'araliq kishilik hoquq we diniy erkinlikni qoghdash teshkilatliri teripidin birdek eyibleshke uchrap kelmekte.
Shundaqla xelq'ara jem'iyet hazirgha qeder peqet atalmish "türkistan islam partiyisi" din bashqa her qandaq guruh yaki kishini "térror" katogoriyisige kirgüzmigen.