D u q dunya sehiye teshkilatini xotendiki zeherlinish weqesini tekshürüshke chaqirdi

Dunya Uyghur qurultiyi bayanatchisi dilshat rishit düshenbe küni xelq'ara metbu'atlarda bayanat élan qilip, dunya sehiye teshkilatini 19-awghust xoten guma nahiyiside yüz bergen achchiqsudin zeherlinish weqesini tekshürüshke chaqirdi.
Muxbirimiz méhriban
2011.08.23

19-Awghust küni xotenning guma nahiyisi sanju yézisida 200ge yéqin ademning yémekliktin zeherlinish weqesi yüz bérip 11 adem ölgen idi.

Xitay hökümiti melumatlirida weqening téxi tekshürülüwatqanliqi bayan qilinip, puqralarning aptomobillarning tonglitishning aldini élish suyuqluqi qachilinidighan bakqa qachilan'ghan parche achchiqsuni istémal qilghanliqi sewebidin zeherlen'gen bolushi mumkinliki ilgiri sürülgen idi.

Radi'omiz yerliktin igiligen uchurlarda achchiqsu qachilan'ghan bak xitayning shendung ölkisidiki melum bir ximiye zawutining sana'et kislatasi qachilashta ishlitilgen bakliri ikenliki melum bolmaqta.

Chet'ellerdiki dorigerlik hem ximiye sana'iti kesipliri bilen shughullinidighan Uyghurlarning bildürüshiche, birla waqitta nurghun ademning shunche qisqa waqitta zeherlinip ölüshige shu xil yémeklikte terkibi intayin ötkür bolghan hem yéterlik miqdardiki zeher bölishi kéreklikini tekitlep, yémeklik üchün ishlitilidighan achchiqsuning sana'et suyuqluqi qachilan'ghan bakqa qachilinishila shunche ademning ölüshini keltürüp chiqirish éhtimalining töwenlikini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.