Uyghurlar xu jintaw fransiyini ziyaret qilghanda namayish qilmaqchi

Dunya Uyghur qurultéyining bayan qilishiche, fransiyidiki Uyghurlar 11‏ - ayning 4 ‏- küni xu jintaw fransiyige kelgende, xitay hökümitining yillardin buyan kishilik hoquqni éghir depsende qiliwatqanliqigha qarshiliq bildürüp namayish qilidu.
Muxbirimiz weli
2010-11-03
Élxet
Pikir
Share
Print

Bu namayishni dunya Uyghur qurultéyining fransiye komitéti bilen falun'gongchilar we xitay kishilik hoquq pa'aliyetchiliri birlikte pilanlidi.

Xewerde éytilishiche, bu tinch namayishta Uyghurlar, falun'gongchilar we xitay kishilik hoquq pa'aliyetchiliri parizh shehiride, parwistin xitayning bash elchixanisighiche marsh éytip mangidu.

Dunya Uyghur qurultiyi fransiyidin ibaret bu medeniyetlik döletning prézidénti sarkozigha, bu qétim xu jintaw fransiyige kelgende, xitay hökümitining yillardin buyan Uyghurlargha yawuzluq bilen mu'amile qilip kéliwatqanliqini yüzmu -yüz otturigha qoyushni tapilidi.

Toluq bet