Xu jintaw, 'teywen démokratiyini ilgiri sürüsh partiyisi' ni musteqilliqtin waz kéchishke ündidi

Xitay dölet re'isi xu jintaw charshenbe küni yéngi yil nutiqi élan qilip, teywen öktichi guruhi - démokratiye ilgiri sürüsh partiyisini teywen musteqilliqidin waz kéchishke, eger teywen bir "junggo prinsipi"ni qobul qilsa teywenning xelq'ara jem'iyetke eza bolush arzusini oyliship körüshke bolidighanliqini bildürgen.
Muxbirimiz erkin
2008-12-31
Élxet
Pikir
Share
Print

Bu xu jintawning hakimiyet sorighandin béri tunji qétim teywen démokratiye ilgiri sürüsh partiyisige xitap qilishi bolup hésablinidu. U mundaq deydu": bir junggo prinsipi ikki qirghaq teripidin oxshashla qobul qilinsa.... Biz her qandaq mesile üstide muzakire élip barimiz."

Xu jintaw yene, eger teywen démokratiye ilgiri sürüsh partiyisi " bölgünchilik herikiti" din waz kéchip "pozitsiyisini özgertse", buninggha ijabiy jawab qayturidighanliqini bildürgen.

Teywen mesilisi ilgiri asiyadiki eng xeterlik qiziq nuqtilarning biri bolup qalghan idi. Lékin teywende gomindang partiyisi hakimiyet bashqurghandin kéyin ikki qirghaq munasiwitide yumshash weziyiti barliqqa kelgen.

Béyjing hökümiti gomindang rehbiri ma yingjyuning 5 ‏ - ayda textni ötküzüwalghanliqini qarshi élip teywen'ge 2 müshük éyiqi sogha qilghan. Lékin kompartiye chén shüybyen hakimiyet sorighan yillarda teywen démokratiye ilgiri sürüsh partiyisi bilen munasiwet qilishni ret qilghan idi.
 
Teywen démokratiye ilgiri sürüsh partiyisi shu küni xu jintawning chaqiriqini ret qildi. Teywen dölet mejlisining démokratiye ilgiri sürüsh partiyisidin bolghan yuqiri derijilik ezasi sey xu'anglang roytérs agéntliqigha bergen bayanatida " junggo kommunistliri démokratiye ilgiri sürüsh partiyisining rohini boysundurmaqchi, biz teywen musteqilliqidin waz kechsek bolmaydu. Teywenning musteqilliqi we igilik hoquqi partiyimizning négizlik qimmitidur " dégen.


Toluq bet