Уйғур, тибәт һәм хитай демократлири ху җинтавниң зиярити мәзгилидә ақсарай алдида намайиш қилди

Бүгүн 19-январ күни әтигән саәт 10 дин башлап, вашингтон әтрапидики уйғурлар, америка-уйғур бирләшмиси вә хәлқара уйғур кишилик һоқуқ вә демократийә фонди җәмийитиниң тәшкиллиши билән, ақсарай алдида, хитай рәиси ху җинтавниң америка зияритигә қарши наразилиқ намайиши өткүзди.
Мухбиримиз меһрибан
2011.01.19

Хитай рәиси ху җинтав мушу айниң 18-күнидин 21-күнигичә америкида рәсмий зиярәттә болуш үчүн, түнүгүн кәч вашингтон шәһиригә йетип кәлгән иди. Түнүгүн кәч ху җинтав ақсарайда америка президенти обаманиң униң үчүн өткүзгән кәчлик зияпитигә қатнишиш үчүн кәлгинидә, ақсарай сиртиға топланған тибәт һәм хитай демократлири ху җинтавға қарши наразилиқ намайишини башлиған иди.

 Бүгүн ақсарай сиртида өткүзүлгән наразилиқ намайишиға америкидики уйғур, тибәт, хитай демократлири һәм бир қисим моңғуллар қатнашти. Намайишчилар қоллириға шәрқий түркистан һәм тибәт байрақлирини шундақла ху җинтавға қарши шоарлар йезилған тахтиларни көтүрүвалған болуп, улар намайиш җәрянида, ху җинтав ялғанчи! ху җинтав қатил! уйғурларға әркинлик! тибәтләргә әркинлик! дегәндәк шоарларни товлиған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.