Хитай сақчилири меһманханиға кирип 3 нәпәр япон мухбирини урди

Хитай даирилири түнүгүн кечидә бейҗиңда меһманханиға кирип 3 нәпәр японийә мухбирини урди. Бирләшмә агентлиқиниң бейҗиңдин баян қилишичә, түнүгүн кечидә бейҗиңниң чаңән кочисға йеқин җайлашқан 'бейҗиң меһманханиси'да, японийә кйото агентлиқиниң мухбирлири хитайниң 60 йиллиқ тәбрик күни үчүн елип бериливатқан парат тәйярлиқи һәққидә хәвәр тәйярлаватқанда, хитай даирилири меһманханиға кирип, үч нәпәр японийә мухбирини уруп, типип һақарәтлигән вә уларниң компутерлирини тартивалған.
Мухбиримиз вәли
2009.09.19

Бу, хитайда хоңкоң мухбирлири 'үрүмчидә уйғурларни қутратти' дәп урулғандин кейин йүз бәргән йәнә бир қетимлиқ мухбирларни һақарәтләш вәқәси болуп һесаблиниду.

Б б с ниң баян қилишичә, хитай ташқи ишлар министирлики учур вастилириға 9‏ - айниң 6‏ - күнидики парат тәйярлиқини рәсимгә алмаслиқни уқтурған болсиму, әмма униңдин кейин буниңға охшаш уқтуруш чиқармиған иди. Һазир бейҗиңда қоллиниливатқан бихәтәрлик тәдбирлири, кишиләрдә техиму бәк җиддийлик туйғуси пәйда қиливатиду.

Бейҗиңниң чаңән кочисида һазир танка, башқурулидиған бомба орунлаштурулған һәрбий аптомобилларму йүрүверидиған болуп қалди. Һәрбийләр мәшқ қилидиған кочида қатнаш тохтутилипла қалмай, шу кочиға йеқин җайдики мәктәпләр, дуканларму тақиветилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.