Xitay saqchiliri méhmanxanigha kirip 3 neper yapon muxbirini urdi

Xitay da'iriliri tünügün kéchide béyjingda méhmanxanigha kirip 3 neper yaponiye muxbirini urdi. Birleshme agéntliqining béyjingdin bayan qilishiche, tünügün kéchide béyjingning chang'en kochisgha yéqin jaylashqan 'béyjing méhmanxanisi'da, yaponiye kyoto agéntliqining muxbirliri xitayning 60 yilliq tebrik küni üchün élip bériliwatqan parat teyyarliqi heqqide xewer teyyarlawatqanda, xitay da'iriliri méhmanxanigha kirip, üch neper yaponiye muxbirini urup, tipip haqaretligen we ularning komputérlirini tartiwalghan.
Muxbirimiz weli
2009.09.19

Bu, xitayda xongkong muxbirliri 'ürümchide Uyghurlarni qutratti' dep urulghandin kéyin yüz bergen yene bir qétimliq muxbirlarni haqaretlesh weqesi bolup hésablinidu.

B b s ning bayan qilishiche, xitay tashqi ishlar ministirliki uchur wastilirigha 9‏ - ayning 6‏ - künidiki parat teyyarliqini resimge almasliqni uqturghan bolsimu, emma uningdin kéyin buninggha oxshash uqturush chiqarmighan idi. Hazir béyjingda qolliniliwatqan bixeterlik tedbirliri, kishilerde téximu bek jiddiylik tuyghusi peyda qiliwatidu.

Béyjingning chang'en kochisida hazir tanka, bashqurulidighan bomba orunlashturulghan herbiy aptomobillarmu yürüwéridighan bolup qaldi. Herbiyler meshq qilidighan kochida qatnash toxtutilipla qalmay, shu kochigha yéqin jaydiki mektepler, dukanlarmu taqiwétildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.