Японийә икки қирғақ мунасивитиниң йеқинлишишидин әндишә қилмақта

Тәйвән ахбаратлирида көрситилишичә,асия тинч окян тинчлиқ тәтқиқат мәркизи, асия мәсилилири һәққидә бир муназирә уюштурған болуп, япон мутәхәссислири хитай билән тәйвәнниң алақисиниң күнсайин күчийишиниң япон - тәйвән мунасивәтлиригә сиоғуқчилиқ елип келидиғанлиқини муназиригә қойған болуп, тәйвәндә ма йиңҗю һөкүмәт бешиға чиққандин буян японийиниң тәйвәнгә қаратқан һөкүмәт зиярәт қетим сани бултурқи охшаш мәзгилдикидин %40 азайған.
Мухбиримиз гүлчеһрә
2008-12-16
Share

Һалбуки, тәйвән даирилири икки қирғақ мунасивитиниң йеқинлишиши япон билән болған дипломатийисигә тәсир көрсәтмәйдиғанлиқини билдүргән.

Хәлқара җәмийәтму гәрчә ма йиңҗю йеқиндин буян японийигә бир қанчә қетим вәкил әвәтип униң хитайға қаратқан сияситиниң японийә ‏ - тәйвән арисида тәсир пәйда қилмайдиғанлиқини чүшәндүргән болсиму, әмма нөвәттә тәйвәндә хитайға қаратқан ташқи сиясәт, болупму хитайпәрәслик қариши еғиррақ болған гоминдаң партийисиниң түрткисидә икки қирғақ мунасивәтлириниң барғанчә йеқинлишиши, әксичә тәйвән билән япон мунасивитигә соғуқ һава елип келишидин японийидә әндишә пәйда болуватқанлиқини илгири сүрмәктә.

Япон сиясий мулаһизичилириниң қаришичә, хитайниң һәрбий тәһдити мәсилиси йәнила әң җиддий мәсилә, хитай һәрбий тәһдитигә бирликтә тақабил турушта ма йиңҗю японийә билән тәйвәнниң узун йиллиқ һәмкарлиқини сақлаш билән тәң икки дөләт сиясий, иқтисади һәмкарлиқини әң алдинқи муһим орунға қойғандила,японийиниң бу хил әндишиси йоқиши мумкин.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт