Yaponiye ikki qirghaq munasiwitining yéqinlishishidin endishe qilmaqta

Teywen axbaratlirida körsitilishiche,asiya tinch okyan tinchliq tetqiqat merkizi, asiya mesililiri heqqide bir munazire uyushturghan bolup, yapon mutexessisliri xitay bilen teywenning alaqisining künsayin küchiyishining yapon - teywen munasiwetlirige si'oghuqchiliq élip kélidighanliqini munazirige qoyghan bolup, teywende ma yingjyu hökümet béshigha chiqqandin buyan yaponiyining teywen'ge qaratqan hökümet ziyaret qétim sani bulturqi oxshash mezgildikidin %40 azayghan.
Muxbirimiz gülchéhre
2008-12-16
Élxet
Pikir
Share
Print

Halbuki, teywen da'iriliri ikki qirghaq munasiwitining yéqinlishishi yapon bilen bolghan diplomatiyisige tesir körsetmeydighanliqini bildürgen.

Xelq'ara jem'iyetmu gerche ma yingjyu yéqindin buyan yaponiyige bir qanche qétim wekil ewetip uning xitaygha qaratqan siyasitining yaponiye ‏ - teywen arisida tesir peyda qilmaydighanliqini chüshendürgen bolsimu, emma nöwette teywende xitaygha qaratqan tashqi siyaset, bolupmu xitaypereslik qarishi éghirraq bolghan gomindang partiyisining türtkiside ikki qirghaq munasiwetlirining barghanche yéqinlishishi, eksiche teywen bilen yapon munasiwitige soghuq hawa élip kélishidin yaponiyide endishe peyda boluwatqanliqini ilgiri sürmekte.

Yapon siyasiy mulahizichilirining qarishiche, xitayning herbiy tehditi mesilisi yenila eng jiddiy mesile, xitay herbiy tehditige birlikte taqabil turushta ma yingjyu yaponiye bilen teywenning uzun yilliq hemkarliqini saqlash bilen teng ikki dölet siyasiy, iqtisadi hemkarliqini eng aldinqi muhim orun'gha qoyghandila,yaponiyining bu xil endishisi yoqishi mumkin.

Toluq bet