Японийә 1965 - йили американи хитайға қарши ядро қорали ишлитишкә дәвәт қилған

Японийә ташқи ишлар вәзирликиниң мәхпий архипларни ашкарилишичә, 1965 - йили,1 - айда японийә баш вәзири ейсаку сато американи зиярәт қилғанда, әйни вақиттики америка дөләт мудапиә министири роберт макнамара билән учришип, өткүзгән сөһбитидә американи хитайға қарши ядро һуҗуми қилишқа дәвәт қилған болуп, бирләшмә агентлиқиниң японийә мәтбуатлиридин нәқил кәлтүрүп хәвәр беришичә, сабиқ японийә баш министири әгәр хитай билән уруш партлап қалса, америкиниң ядро қорали билән җаваб қайтурушини үмид қилидиғанлиқини билдүргән .
Мухбиримиз үмидвар
2008.12.21

Бу, хитайниң лопнор районида тунҗи қетим ядро синиқи елип берип, бир йил өткән вақит болуп, әйни вақитта хитайму атом қоралиға игә дөләткә айланған иди. Униң үстигә йәнә ветнамниң вәзийитиму җиддилишиватқан чағ болуп, ғәрб дуняси билән сотсиялизм арисидики зиддийәтләр өткүрләшкән, совет иттипақи билән хитай арисидиму зиддийәтләр күчәйгән, японийә бу әһвалларни өзигә нисбәтән хәтәрлик һес қилған иди.

Японийә вәзири америка мудапиә министири макмалаға японийиниңму ядро қоралини раваҗландуруш мумкинчилики болсиму, лекин атом бомбиси ясаш пилани йоқлиқини,әмма японийиниң америкиниң ядро қоралини японийигә елип киришини тәләп қилидиғанлиқини билдүргән. У йәнә уруш партлап қалса, ядро қорали бар парахотлардин алди билән деңиздин һәрикәткә өтүшини тәкитлигән.

Мәзкур япон баш вәзири йәнә ақ сарайда өткүзүлгән дөләт башлиқлири йиғинида америкиниң японийини қоғдаш вәдисидә турушини үмид қилидиғанлиқини билдүргән.


Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.