Yaponiye 1965 - yili amérikani xitaygha qarshi yadro qorali ishlitishke dewet qilghan

Yaponiye tashqi ishlar wezirlikining mexpiy arxiplarni ashkarilishiche, 1965 - yili,1 - ayda yaponiye bash weziri éysaku sato amérikani ziyaret qilghanda, eyni waqittiki amérika dölet mudapi'e ministiri robért maknamara bilen uchriship, ötküzgen söhbitide amérikani xitaygha qarshi yadro hujumi qilishqa dewet qilghan bolup, birleshme agéntliqining yaponiye metbu'atliridin neqil keltürüp xewer bérishiche, sabiq yaponiye bash ministiri eger xitay bilen urush partlap qalsa, amérikining yadro qorali bilen jawab qayturushini ümid qilidighanliqini bildürgen .
Muxbirimiz ümidwar
2008-12-21
Élxet
Pikir
Share
Print

Bu, xitayning lopnor rayonida tunji qétim yadro siniqi élip bérip, bir yil ötken waqit bolup, eyni waqitta xitaymu atom qoraligha ige döletke aylan'ghan idi. Uning üstige yene wétnamning weziyitimu jiddilishiwatqan chagh bolup, gherb dunyasi bilen sotsiyalizm arisidiki ziddiyetler ötkürleshken, sowét ittipaqi bilen xitay arisidimu ziddiyetler kücheygen, yaponiye bu ehwallarni özige nisbeten xeterlik hés qilghan idi.

Yaponiye weziri amérika mudapi'e ministiri makmalagha yaponiyiningmu yadro qoralini rawajlandurush mumkinchiliki bolsimu, lékin atom bombisi yasash pilani yoqliqini,emma yaponiyining amérikining yadro qoralini yaponiyige élip kirishini telep qilidighanliqini bildürgen. U yene urush partlap qalsa, yadro qorali bar paraxotlardin aldi bilen déngizdin heriketke ötüshini tekitligen.

Mezkur yapon bash weziri yene aq sarayda ötküzülgen dölet bashliqliri yighinida amérikining yaponiyini qoghdash wediside turushini ümid qilidighanliqini bildürgen.


Toluq bet