Yaponiye - xitay tarixchiliri bezi tarixiy mesililerdiki pikir ixtilapini tügitelmidi

Birleshme tarix guruppisi 10 neper yaponiyilik tarixchi we 10 neper xitay tarixichini asas qilip qurulghan bolup, ular 3 yil ichide ottura esirdin hazirqi zaman'ghiche bolghan yaponiye - xitay munasiwet tarixini yézip chiqish wezipisini üstige alghan idi.

Lékin tarix guruppisidiki yaponiyilik tarixchilar bilen xitay tarixchilar "nenjing weqesi"ge qandaq baha bérish mesiliside pikir birlikige kélelmigen.

Tarix guruppisi peyshenbe küni axbarat élan qilish yighini chaqirghan bolup, yighinda terepler nenjing weqesige baha bérish mesilisidiki ixtilapini otturigha qoydi. Xitay terep yaponiye armiyisining 1937 ‏- yili nenjing weqeside 300 ming puqrani qirghin qilghanliqini ilgiri sürmekte idi. Yighinda xitay terepning mes'uli, xitay ijtima'i penler akadimiyisi hazirqi zaman tarix inistitutining proféssori bu ping " nenjing qirghinchiliqidiki eng muhim élémént san amili bolup, bu uningdiki achquchtur" dégen. Bu ping, bu sanning 1945 - yili yaponiye teslim bolghandin kéyin échilghan nenjing we ittipaqdash eller sot kolligiyiside qobul qilin'ghanliqini bildürgen.

Lékin yaponiye terepning mes'uli, tokyo uniwérsitétining proféssori shinichi kitawka, bu pingning qarishigha qoshulmaydighanliqini eskertip, ittipaqdash eller qurghan yaponiyini jazalash meqsitidiki "nenjing we tokyo sot kolligiyisi qobul qilghan bu sanning kélish menbe'eside mesile barliqigha ishinimiz" dep tekitligen.