Б б с агентлиқиниң хәвәр қилишичә, йеқинда өткүзүлгән бир амминиң райини синашта японийидики җуңгоға яхши һессияттики японларниң нисбити %31.8 Кә чүшкән болуп, өткән йилдикидин %2.2 Төвәнлигән.
Бу 1978 - йилидин буянқи тәкшүрүш нәтиҗилири ичидики әң төвән сан болуп һесаблинидикән. Тәкшүрүш доклатида ейтилишичә, буниң әксичә хитайға яхши һессиятта болмиған японларниң нисбити %66.6 Кә көпийип, илгирикидин %3.1 Ашқан һәм тарихтики әң юқири сәвийә яратқан.
Японларниң хитайға нарази болуш кәйпиятиниң өсүшидики сәвәб һәққидә һәр хил көз қарашлар мәвҗут. Буниңда алди билән хитай хәлқидики милләтчиликниң күчийип кетишиму муһим рол ойниған.
Йәнә бир тәрәптин хитайда тәйярланған зәһәрлик җувава мәсилиси, начар сүпәтлик йемәкликләр вә таварларму япон истималчилирини нарази қилған. Шуниң билән бир вақитта йәнә иккинчи җаһан урушиға мунасивәтлик тарих дәрслики һәмдә япон рәһбәрлириниң уруш қурбанлири қәбристанлиқини зиярәт қилиши сәвәбидин икки дөләт арисидики ихтилаплар давамлашмақта.
Японийә хәлқиниң хитайға яхши һессиятта болуш кәйпияти 1980 - йилларда әң юқири сәвийидә болған икән. У чағда хитай японийиниң техникисини өгиниватқан, японларни хитайға келишкә, мәбләғ селишқа дәвәт қилған йиллар иди.
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Қәшқәрдә лагерға адәм тутушта хизмәт көрсәткән сақчиниң қизиму 10 йиллиқ кесилгән
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
- Б д т кишилик һоқуқ алий комиссари бачелетниң хитай зиярити рәсмий башланди
