Köp sandiki yaponlar xitaydin narazi

Yaponiye bilen xitay otturisidiki ixtilaplarning köpiyishige egiship, yaponlarning xitaydin narazi bolush keypiyati küchiyishke bashlighan.
Muxbirimiz ümidwar
2008-12-07
Share

B b s agéntliqining xewer qilishiche, yéqinda ötküzülgen bir ammining rayini sinashta yaponiyidiki junggogha yaxshi héssiyattiki yaponlarning nisbiti %31.8 Ke chüshken bolup, ötken yildikidin %2.2 Töwenligen.

Bu 1978 - yilidin buyanqi tekshürüsh netijiliri ichidiki eng töwen san bolup hésablinidiken. Tekshürüsh doklatida éytilishiche, buning eksiche xitaygha yaxshi héssiyatta bolmighan yaponlarning nisbiti %66.6 Ke köpiyip, ilgirikidin %3.1 Ashqan hem tarixtiki eng yuqiri sewiye yaratqan.

Yaponlarning xitaygha narazi bolush keypiyatining ösüshidiki seweb heqqide her xil köz qarashlar mewjut. Buningda aldi bilen xitay xelqidiki milletchilikning küchiyip kétishimu muhim rol oynighan.

Yene bir tereptin xitayda teyyarlan'ghan zeherlik juwawa mesilisi, nachar süpetlik yémeklikler we tawarlarmu yapon istimalchilirini narazi qilghan. Shuning bilen bir waqitta yene ikkinchi jahan urushigha munasiwetlik tarix dersliki hemde yapon rehberlirining urush qurbanliri qebristanliqini ziyaret qilishi sewebidin ikki dölet arisidiki ixtilaplar dawamlashmaqta.

Yaponiye xelqining xitaygha yaxshi héssiyatta bolush keypiyati 1980 - yillarda eng yuqiri sewiyide bolghan iken. U chaghda xitay yaponiyining téxnikisini öginiwatqan, yaponlarni xitaygha kélishke, meblegh sélishqa dewet qilghan yillar idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet