Yaponiye “Li chün'gu'ang weqesi” munasiwiti bilen xitaygha resmiy naraziliq bildürgen

Yaponiye tashqi ishlar ministiri koychiro génba, xitayning tokyoda turushluq elchixanisining diplomatik emeldari li chün'gu'ang mesilisi heqqide toxtilip, yaponiye saqchi organliri li chün'gu'angning özini saqchigha melum qilishini telep qilghan bolsimu, biraq uning dölitige qaytip ketkenliki, bu munasiwet bilen xitaygha resmiy naraziliq bildürgenlikini élan qilghan.
Muxbirimiz erkin
2012.06.01

Yaponiye amanliq organliri xitayning tokyoda turushluq elchixanisining 1‏-derijilik katipi li chün'gu'angni jasusluq qilish bilen eyibligendin kéyin, yaponiye tashqi ishlar ministirliqi xitayning tokyoda turushluq elchixanisidin li chün'gu'angning saqchi organlirigha özini melum qilishini telep qilghan. Biraq u özini melum qilish ornigha xitaygha qaytip ketken.

Uning xitaygha elchixana da'irilirining orunlashturushi bilen yaki özlükidin qaytip ketkenliki melum emes. Tokyo saqchi mehkimisi peyshenbe küni li chün'gu'angni resmiy tokyo teptish mehkimisige shikayet qilip, uning diplomatliq salahiyitini yoshurghanliqi, saxta adrés we kinishka ishlitip, yaponiye qanunlirigha xilapliq qilghanliqi, yaponiyining mexpiy höjjetlirini qolgha chüshürüp, jasusluq qilghanliqini ilgiri sürgen. Biraq xitay hökümiti li chün'gu'angning jasusluq bilen shughullan'ghanliqini ret qilghan idi.

Yaponiye yéza igilik ministirliqining bezi yuqiri derijilik emeldarliri li chün'gu'anggha bezi mexpiy höjjetlerni ashkarilap qoyush bilen tenqid qilin'ghan. Li chün'gu'ang weqesi yaponiyide jasusluqqa qarshi turush qanuni we mexpiyetlik qanuni heqqide talash-tartish qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.